|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
ИСТРАЖУВАЊЕ НА ЦЕНТАРОТ ЗА РАЗВОЈ НА МЕДИУМИТЕ
Вестите - најгледана програма во Македонија
Со наслов “Програмски потреби на публиката во Република Македонија”, Центарот за развој на медиумите спроведе анкета за слушаноста, односно гледаноста на одредени програмски целини на електронските медиуми во Македонија. Со анкетирањето, кое траеше од 17 до 24 декември 2005 г. и беше спроведено според моделот “од врата до врата”, беа опфатени 1.700 испитаници. Популациската рамка на населението се движеше од 18 до 65 години, а критериуми за репрезентативност беа полот, етничката припадност, возраста и местото на живеење. Прашањата на коишто одговараа испитаниците беа поделени во два основни сегменти - телевизија и радио. Се бараа одговори за гледаноста, односно слушаноста на електронските медиуми, периодите на најголема гледаност/слушаност, видот на програмските целини (филм, спорт, музика, забава, реално шоу).
Во одговорите за телевизијата најголем процент испитаници (27%) гледаат ТВ од 18 до 22 часот, но најмногу (35%) гледаат ТВ 3-5 часа дневно. Во однос на поделбата на национална и локална ТВ, 47% рамноправно гледаат и национална и локална ТВ-станица. Најгледани видови програма се вестите (22%), најпосакувани филмски жанрови се акциските филмови (25%), додека најгледани серии се комедиите (24%). Кај спортовите, фудбалот најмногу се гледа (36%), потоа следуваат ракометот (10%), па кошарката (6%). Најголем број од испитаниците се задоволни од понудената програма (32%), но би сакале да има специјализирана програма (филмска - 24%). На 32% им е сеедно дали ќе гледаат реално шоу, но 54% во викендите сакаат да гледаат различна програма од онаа во работните денови.
Најголем број од испитаниците (23%) радиото го слушаат од 10 до 13 часот, 26% подеднакво слушаат локална и национална радиостаница. Во однос на жанровите на радио, спроведената анкета покажа дека најмногу се слуша музичката програма (43%). Забавната програма ја слушаат 10%, додека вестите на радио ги слушаат само 7% од испитаниците.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
