|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Форум
Санкционирањето на семејното насилство, новина во Македонија
Рубриката ФОРУМ, во овој број на Граѓански свет им ја посветуваме на актуелните измени во кривичниот законик на Македонија, со кои за прв пат се санкционира семејното насилство кај нас. Своите искуства, мислења, сугестии, ставови во оваа прилика ги презентираат Женската граѓанска иницијатива АНТИКО и Здружението на жените “Престиж”. ФОРУМОТ е отворен и за Вас на адресата: www.graganskisvet.org.mk или www.civicworld.org.mk , каде треба да се пријавите со име и презиме, наведувајќи го и името на здружението на граѓани, доколку некаде членувате.
“Женската граѓанска иницијатива АНТИКО го поздравува усвојувањето на
измените и дополнувањата на текстот на кривичниот законик кој го третира
семејното насилство. Ова претставува значаен чекор и напредок за заштита на
жените и децата, кои во нашето секојдневие се јавуваат како најбројни жртви
на овој вид насилство. За проблемот на семејното насилство, први што јавно
проговорија и реагираа беа женските НВО.
Секако, ние би биле многу позадоволни доколку за регулирање на оваа
проблематика се усвои посебен закон за семејно насилство, со
интерсекторски и интердисциплинарен пристап и соработка, како и
со усвојување измени и дополненијата на “одредбите за заштита” во рамките
на Законот за семејство, што би значело нов почеток во долгорочниот процес за
решавање на оваа проблематика, семејното насилство кое го загрозува животот и достоинството на голем број жртви (повеќето жени и деца). Но она што би сакале да се спроведува е и регулирањето на процедурата за привремено отстранување на насилникот од семејството, а не на жртвата. Се надеваме дека предвидените решенија во законите доследно ќе се
применуваат и тоа ќе значи нов квалитет во третирањето и решавањето на
оваа проблематика” - Ѓунер Небиу.
“Тргнувајќи од Декларациите на ОН, Здружението на жените “Престиж” - Битола во 1996 година за прв пат учествуваше во анкетирањето на граѓани, со прашалници од областа на семејното насилство. При анкетирањето беа испитани жени и мажи, при што мажите беа отворени за соработка, додека жените беа недоверливи, срамежливи и категорични во одговорите: “Никогаш не сме биле тепани”. Ваквите одговори побудија интерес кај активистките на Здружението на жените ,,Престиж” за фактичката состојба на жените во Македонија по овој проблем. Од тие мигови стана видлив проблемот со кој секоја петта жена се соочуваше и умешно го сокриваше. Усвојувањето на предлог-измените во кривичниот закон во однос на семејното насилство кои деновиве беше донесен од страна на Собранието на Република Македонија, претставува еден значаен момент за жртвите, чии голем број насилници се непознати, или неказнети. Граѓанскиот сектор во земјава со својот ангажман го наруши молчењето на многу жени жртви на семејно насилство, како и молчењето на општеството за овој алармантен проблем, кој н$ поттикна сите нас да ги заштитиме и да им кажеме дека не се сами и дека не се виновни за нивниот претрпен страв. Денес во повеќе од 95 земји во светот постојат солидарни мрежи за поврзување и дејствување на СОС-телефони, меѓу кои и нашата канцеларија. Убедени сме дека чинителите на насилството ќе се подзамислат при преземањето која било форма на насилство, кога ќе осознаат дека секое од тие дела се казнува, а жртвата законски ќе биде заштитена” - Маса Димиќ.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
