|
ONLINE ВЕРЗИЈА |
|
|
ПЕЧАТЕНА ВЕРЗИЈА |
|
Конференција за децата во организација на УНИЦЕФ и Владата
Македонија да биде “Земја по мерка на детето”
Во јуни, во Скопје, во организација на УНИЦЕФ во Македонија и Кабинетот на премиерот на Владата се одржа првата Конференција за децата “Земја по мерка на децата”. Беше дискутирано за правата на децата за инвестирање, за децентрализацијата во функција на децата, за децата отфрлени од општеството, како и за пристапот на децата до квалитетни примарни социјални услуги. На конференцијата беа договорени и примарните конкретни чекори на релевантните субјекти во насока на подобрување на правата на децата и имплементирање на Конвенцијата за правата на детето, со цел Македонија да стане “Земја по мерка на детето”.
“Оваа конференција е многу важна поради подготовките на земјата за членство во ЕУ и важноста да се остварат правата на сите, особено на децата, што е еден од првите услови. Приклучувањето кон Унијата значи отворање на можностите за сите, но не треба да заборавиме дека децата треба да бидат во центарот на вниманието на законите и реформите.Конференцијата е клучен чекор кон остварувањето на милениумските цели до 2015 година, кои се многу јасни, а земјата е посветена кон нивното остварување: елиминирање на гладот и сиромаштијата, основно образование за сите, унапредување на половата еднаквост, намалување на смртноста на новороденчињата и борбата со сидата”, истакна меѓу другото Шаназ Кјанијан Фирузгар, заменик-регионален директор на УНИЦЕФ.
Кај Владата постои волја да се зајакне заштитата на децата односно да се следат светските трендови поставени со милениумските развојни цели, изјави Премиерот Владо Бучковски, а вицепремиерката Радмила Шеќеринска дополни дека “македонските деца се граѓани на Европа и треба да имат право да комуницираат со своите врсници од Европа без пречки и граници” .С.Н.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
