Извештај на Обединетите нации по повод Денот на Жената

Половата еднаквост - се уште прашање во македонското општество

Обединетите нации по повод 8 март Меѓу­народниот ден на жената, излегоа со своја отценка за позицијата во која се наоѓа жената во  земјава. Во извештајот под наслов “Половата еднаквост - с$ уште прашање во македонското општество” кој на Денот на жената го објавија скоро сите домашни медиуми. ОН констатира дека “иако голем број македонски жени и девојки уживаат значајни слободи  во нивниот секојдневен живот, вистинската рамноправност сеуште останува отворено прашање меѓу многу од нив“.

Обединетите нации овогодинешниот  Меѓу­народен ден на жената го имаат посветено на темата ХИВ/СИДА, и во тој контекст потен­цираат: “И покрај тоа што Македонија има ниска стапка на ХИВ распространетост, глобалната статистика и трендовите суге­рираат дека жените се особено ранливи кон беснеењето на оваа заразна болест. На глобално ниво, младите жени се  заразуваат побрзо и на порана возраст, а само неколку се свесни за најосновните мерки за  заштита. Трговијата со луѓе е уште едно сериозно прашање кое ги засега жените во регионот. Често, слабите економски услови се при­чината поради која жените стануваат жртви на трговците со луѓе. на овие жени често им се негираат нивните основни човекови права, и се оставени на насилство и здравствени ризици, вклучувајќи ја ХИВ/СИДА.

Позицијата на жената во Македонија ОН ја согледуваат и преку нивото на писменост, презентираќи го фактот кој говори дека “жените сочинуваат повеќе од 75% од неписменото население  во земјата” но и укжаувајќи на фактот дека “пропуштените можности за образование директно се поврзани со  кругот на сиромаштијата  кој погодува многу семејства, но и дека “писме­носта е суштинско значење за подо­брување на грижата и развојот на децата”.

“Домашното насилство исто така е прашање кое засега многу жени во земјата. Марги­нализацијата на прашањето за домашното насилство и недостокот на официјални податоци  често значат дека  ова прашање останува во “сенката на јавниот дијалог”. Неодамнешната студија на Развојниот фонд за жени при ОН, упатува на тоа  дека само 20% од сите  физички злоупотребувани жени го пријавиле злосторот во полиција.

“Во Македонија  сеуште остануваат не­еднаквостите не само  меѓу жените и мажите, туку и меѓу жените од руралните и урбаните области, како и меѓу етничките групи” изјавува Фроде Мауринг, постојан координатор на агенцијата на ОН. “Општо земено суштински е важно жените да бидат вклучени во процесот на повторна изградба и на економско опо­равување. Ова ги вклучува жените на сите нивоа - во оние од руралните области, до оние кои се наоѓаат на високи политички функции.

Агенциите на ОН во Македонија се посветени на третирањето на половата рамнотежа низ неговите ини­ци­ја­тиви. Тие ја по­здра­вуваат фина­ли­за­цијата на Из­веш­тајот  на земјата  во рамките на “Кон­вен­цијата на ОН за ели­минирање на сите форми на дискри­ми­нација спрема же­ните”.
 

К.Б.