Центар за енергетска ефикасност на Македонија - МАЦЕВ

Доброволно научно здружение, член на РЕНЕУР

Центарот за енергетска ефикасност на Македонија - МАЦЕФ од Скопје е доброволно научно здру­же­ние, основано да дејствува во рам­ките на Република Македонија и над­вор од неа. Постои од декември 2002 година и е член на меѓународната мре­­­­­жа за енер­гет­ска ефикасност РЕНЕУР (RENEUER - Regional Network for Efficient Use of Energy and Water Resources), во чиј состав влегуваат Албанија, Бугарија,Босна и Херце­говина, Македонија, Молдавија, Романија, Србија и Црна Гора и Хрватска.

Национален координатор на проектот кој МАЦЕФ го реализира во Македонија е Виолета Кецка­ровска од Министерството за еко­номија, а делегиран национален експерт проф. д-р Константин Димитров од Машинскиот факул­тет од Скопје, кој воедно е и прет­седател на организацијата. МАЦЕФ е подржан и тесно соработува со фондацијата „ALLIANCE TO SAVE ENERGY“, формирана од Сенатот на САД и делумно финансиски поддржана од УСАИД. Воедно, таа е член на Асоцијацијата на консултантски организации, и нуди про­фесионални експертски услуги од својот делокруг на работа, во земјата и надвор од неа.

Основните цели на МАЦЕФ се: промоција на мерки, совети и експертизи за ефикасно управување со потрошувачката на енергија и вода за пиење но и учество во нивната реализација; учество во креирањето на енергетската политика и планирањето на развојот на енергетиката и енергетските ресурси, развој и промоција на научната мисла во доменот на ефикасното користење на ресурсите, изработка и спроведување на акциски планови за енергетска ефикасност при единиците за локална самоуправа. МАФЕС работи и на обединување на ин­женерите, финансиерите, екологистите и економистите во заедничка активност пред извршните органи на државата, на овоз­можување на поцврста меѓусебна соработка, размена на искуства и меѓусебна помош меѓу членовите со сродни организации во стран­ство. Исто така во зацртаните цели на оваа организација е и интенцијата да стане член на меѓународните консултантски орга­низации од кои се регрутираат експерти за консултантски услуги во меѓународни проекти.

МАЦЕФ е организација која се занимава со давање интелектуални и други експертски услуги, во следниве области: проектирање и реновирање на системите за греење и вентилирање на училишта и други јавни објекти со примена на современи методи за енергетска ефикасност, климатизација, затоплување, разладни системи и осве­тлување;пренос на електрична енергија, трансформатори за струја со низок и висок напон; рециклирање и користење на град­скиот смет како извор на енергија, користење алтер­нативни извори на енергија, изработка на еколошки проекти и експертизи.

МАЦЕФ има 41 членови и во него се вклучени експерти од неколку профили: машински инженери, инженери по електротехника, технолози, економисти и лингвисти. Од нив 15 членови се доктори и 5 магистри на науки.

Адресата на МАЦЕФ е ул. „Никола Парапунов“ 3а/52, 1000 Скопје, а можете да ги добиете и на тел. 02/3099-216, 070/228-577, факс 02/ 3061-013,
е-маил: macef@ereb1.mf.ukim.edu.mk.

Д.М.